АЛМАТЫ. 22 тамыз. Kazakhstan Today. Қазақстанға көрсетілетін жан-жақты көмектердің көлемін ұлғайту туралы заң жобасы АҚШ сенатына ұсынылған. Бұл жөнінде Kazakhstan Today агенттігі КТК телеарнасына сілтеме жасап хабарлайды.
Ақпарақта сәйкес, заң жобаның авторы -Сэм Браунбек. Құжатта Қазақстанның Дүниежүзілік сауда ұйымына енуіне ықпал жасау және "Мыңжылдық мақсаттары" бағдарламасы бойынша АҚШ тарапынан грант алу қарастырылған.
Сондай- ақ, аталған жобада Алматы -Ақтау темір жолы құрылысына және Ақтау- Баку мұнай құбырын салу мақсатында Қазақстанға көмек көрсету қажеттігі айтылған.
Жалпы алғанда заң жобасы Қазақстанды Ирактағы әскери қимылдарды қолдағаны үшін, американдық компанияларға ел экономикасына инвестиция салуға мүмкіндік туғызғаны үшін, бұған қоса , қандайбір ұлтаралық және дінаралық шиеленістерге жол бермей отырған мемлекетті өзінің маңызды серіктестігі ретінде мойындау қажеттігін АҚШ билігіне меңзейді.