АСТАНА. 14-тамыз. Kazakhstan Today. 18-20-тамыз аралығында АҚШ сенаторы Ричард Лугар елімізге ресми сапармен келеді. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today тілшісі.
Р.лугар сапар барысында мемлекет басшысымен, үкімет басшысымен, денсаулық сақтау, индустрия және сауда, қаржы, энергетика және минералды ресурстар, ауылшаруашылығы, қорғаныс, ішкі істер , білім және ғылым министрлерімен, сондай-ақ, ҰҚК-нің басшылығымен кездеседі.
Е.Ашықбаев Р.Лугардың АҚШ сенатының сыртқы істер жөніндегі комитетінің төрағасы екенін, сондай-ақ, ауылшаруашылығы, азық-түлік және орман шаруашылығы жөніндегі комитеттеріне де енетінін еске салды.
Р.Лугар "Нанн-Лугар" бағдарламасы деген атаумен белгілі "Қауіп-қатерді бірлесіп азайту" атты қорғаныс өнеркәсібін конверсиялау және ядролық қаруды демонтаждауды қаржыландыру бағдарламасының негізін қалаушылардың бірі. Осы бағдарлама жұмыс істеген мерзімде стратегиялық зымырандардың 5900 оқтұмсығы демонтаждалып, 30 мың тактикалық ядролық қаруды қауіпсіз жағдайда сақтау мүмкіндігі қамтамасыз етілген.
АҚШ сенаторы Ричард Лугар елімізге ресми сапармен келеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.