АСТАНА. 13 - маусым. Kazakhstan Today. АҚШ зымыранға қарсы қорғаныс саласында Ресей Федерациясымен ынтымақтастық жасауға қызығушылық танытып отыр. Бұл туралы АҚШ-ның мемлекеттік хатшысының орынбасары Джон Руд Жаһандық бастама қатысушыларымен кездесуді баяндаған баспасөз мәслихатында мәлімдеді, деп хабарлайды Kazakhstan Today агенттігінің тілшісі.
"АҚШ Ресеймен зымыранға қарсы қорғаныс саласында ынтымақтасуға мүдделі", - деді Д. Руд. Мұнымен қоса, ол Ресей Федерациясының президенті Владимир Путиннің зымыранға қарсы қорғаныс мақсатында Изербайжанда Ресей жалға алып отырған РЛС-ті бірлесіп пайдалану туралы ұсынысын АҚШ қодайтынын атап өтті. "Осыған қатысты президент Путиннің ұсыныстары маңызды және қызықты болып елестейді. Біз мұны талқылау сараптамашылар деңгейіне дейін жалғасатынына үміттіміз", - деді мемлекеттік хатшының орынбасары.
Өз кезегінде Ресей Федерациясының Сыртқы істер министрінің орынбасары Сергей Кисляк Путин мырзаның Изірбайжандағы Габала деген жерде орналасқан радардың көмегін бірлесіп пайдалану туралы ұсынысы зымыранға қарсы қорғаныс жүйесін Изербайжанда құрмаудан келіп шыққандығын атап айтты. "Біз бұл жүйені үшінші мемлекеттің жеріне енгізу мәселесін ұсына алмаймыз", - деді ол. Оның айтуы бойынша, қазіргі радарды алдын-ала болжам жасау үшін пайдалануға болады. Себебі, бұл радар уақыт сынынан өткен және жаңа зымырандар пайда болуы мүмкін Таяу Шығыс және соған іргелес аймақтан көтерілген кез-келген зымыранды бақылауға мүмкіндік береді.
Сонымен қатар, ол Ресей қысқа мерзім аралығында Чехия мен Польшада үшінші тұғырнамалық ауданды құруды ақтайтын ешқандай қауіп-қатер жоқтығын алға тартып отырғандығын баса айтты. "Егер бұл бағытта қауіп-қатер болмаса, үшінші әлемнің алдына қойып отырған мақсаты бізге түсініксіз", - деп атап өтті министрдің орынбасары. "Бұл жерде біздің көзқарасымыз америкалық әріптестерден алшақтайды", - деп мәлімдеді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
АҚШ зымыранға қарсы қорғаныс саласында Ресеймен ынтымақтастық жасауға ниетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.