АҚШ-тың қазақстандағы елшілігі Ұлттық ядролық орталығына радиоактивті материалдарды қауіпсіз тасымалдауға мүмкіндік беретін техниканы табыс етеді
Арнайы техниканы табыстау рәсімі тамыздың 8-інде "Курчатовтағы ядро күндері" шеңберінде өтеді. Оны АҚШ-тың қазақстандағы елшісі Кеннет Фэйрфакс табыстайды, деп жұма күні "Қазақстан ядролық қоғамы" хабарлады.
Курчатов. 3-тамыз. Kazakhstan Today - Шығыс Қазақстан облысының Курчатов қаласында еліміздің Ұлттық ядролық орталығына радиоактивті материалдарды қауіпсіз тасымалдауға мүмкіндік беретін техниканы табыстау рәсімі өтеді, деп хабарлайды Kazakhstan Today агенттігінің тілшісі.
Арнайы техниканы табыстау рәсімі тамыздың 8-інде "Курчатовтағы ядро күндері" шеңберінде өтеді. Оны АҚШ-тың қазақстандағы елшісі Кеннет Фэйрфакс табыстайды, деп жұма күні "Қазақстан ядролық қоғамы" хабарлады.
Сонымен қатар, 6-10-тамыз аралығында Курчатовтағы ҰЯО Геофизикалық зерттеулер институтында VII халықаралық "Ядролық сынақтар мен олардың салдарын бақылау" конференциясы өтеді.
Оған әлем елдерінен қатысатын ғалымдар мен мамандар 50-ден астам баяндама жасайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.