АЛМАТЫ. 9-шілде. Kazakhstan Today. "Ақжол" партиясы мәжіліс депутаттығынан үміткерлердің тізімін бекітті; оған 114 адам енді. Бұл туралы бүгін өткен баспасөз мәслихатында Қазақстанның "Ақжол" демократиялық партиясының жетекшісі Илихан Бәйменов құлағдар етті.
Өткен жексенбіде болған Қазақстанның "Ақжол" демократиялық партиясының кезекті 7-ші сьезінде партиялық тізім бекітілді. Оған партияның жетекшілері Илихан Бәйменов, Людмила Жуланова, Бурхан Нұрмұхамедов пен Мақсұт Нәрікбаев басқарған 114 адам енді. "Партия жетекшілерімен қатар тізімге Амангелді Айталы, Владимир Шокарев, Мырзагелді Кемел, мәдениет пен өнер қайраткерлері Исраил Сапарбай, Ханбибі Есенғарақызы, Ибрагим Исаев, заңгерлер Сергей Ударцев, Еңлік Нұрғалиева, Қазақстан экономистері қауымдастығының төрағасы Арыстан Есентүгелов сынды адамдар енген", - деді И. Бәйменов.
"Сөйтіп, біздің тізімге халықтың кең ауқымды бөлігінің, түрлі аймақтардың өкілдері енген, біз гендерлік теңдікті де жеткілікті деңгейде қамтамасыз етуге тырыстық, ұлттық құрамымызға келсек, біздің тізімде 10 ұлт өкілдері бар", - деді партия жетекшісі.
И. Бәйменовтың айтуынша, сьездің алдында екі отырыс болған. "Алдымен "Иділет" партиясының отырысы өтіп, онда қайта құрылу және "Ақжол" партиясымен бірігу туралы шешім қабылданды, ал "Ақжолдың" отырысында "Иділет" партиясының саяси кеңесінің барлық мүшелерін "Ақжол" партиясының орталық кеңесінің құрамына толық қамту туралы шешім шығарылды", - деді И.Бәйменов. Оның айтуынша, "сондай-ақ, "Иділет" партиясының жетекшісі Мақсұт Нәрікбаев орталық кеңестің төрағасы және "Ақжол" партиясы жетекшісінің орынбасары болып сайланды.
Оппозициялық "Ақжол" мен президентті жақтаушы "Иділет" партияларының бірігу себебі неде деген журналистер сауалына "Иділеттің" бұрынғы жетекшісі Мақсұт Нәрікбаев партияға президентті жақтаушы деген атауды БАҚ-тар бергенін атап өтті. Оның айтуынша, бастапқыда демократиялық партияның, артынан "Иділеттің " бағдарламасында "партияның билікке де, оппозицияға да оппонент болатыны ашық айтылған, демек ол оппозициялық көзқарастағы партия деген сөз". "Біз өзімізді ешқашан президентті жақтаушы партия деп санағамыз жоқ", - деді М. Нәрікбаев.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
"Ақжол" партиясы мәжіліс депутаттығынан үміткерлердің тізімін бекітті; оған 114 адам енді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.