Алдын ала жасалған мәліметтер бойынша Қырғызстан сайлаушыларының 90 пайыздан астамы Конституцияның жаңа жобасына дауыс берген
Олардың ақпараттарына сүйенсек, 2 мың 319 учаскенің 2 мың 193-нің (94,57) мәліметтері келіп түскен. "Тіркелген 2 млн 767 мың сайлаушының 1 млн 700 мыңы Конституцияның жаңа жобасын қолдаған",- деп хабарлайды "Шайлоо" МАЖ.
Бішкек. 28-маусым. Kazakhstan Today Қырғызстанның Орталық сайлау комитетінің алдын ала жасаған мәліметтері бойынша Қырғызстан сайлаушыларының 90,82 пайызы Конституцияның жаңа жобасына дауыс берген, деп хабарлайды Kazakhstan Today агенттігі "Шайлоо" мемлекеттік автоматтандырылған жүйесінің мәліметтеріне сілтеме жасай отырып.
Олардың ақпараттарына сүйенсек, 2 мың 319 учаскенің 2 мың 193-нің (94,57) мәліметтері келіп түскен. "Тіркелген 2 млн 767 мың сайлаушының 1 млн 700 мыңы Конституцияның жаңа жобасын қолдаған",- деп хабарлайды "Шайлоо" МАЖ.
Дауыс беру республика бойынша 2 мың 281 учаскеде, ал ел аумағынан тыс 38 референдум учаскелерінде ұйымдастырылған. Референдумға әлемнің 31 елінен келген 18 халықаралық ұйымдар мен мемлекетаралық құрылымдардың 189 халықаралық бақылаушы өкілдері бақылау жасаған. Сондай-ақ референдумды үкіметтік емес ұйымдар мен саяси партиялардан келген бірнеше мыңдаған жергілікті бақылаушылар қадағалаған.
Референдумды жария етуге алыс және жақын шетелдердің 30-дан астам жетекші БАҚ-ның шетелдік 110 журналисті тартылған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.