Алматы әкімі Ахметжан Есімов Ингушетия Республикасының басшысы Юнус-Бек Евкуровпен кездесті
Бұл туралы ҚазАқпарат агенттігінің хабарлауынша, А. Есімов кездесу барысында мегаполисте ингуш диаспорасының салмақты саны - 3,5 мың адам тұратындығын және олар Алматының әлеуметтік-экономикалық дамуының барлық саласына белсенді қатысатындығын атап өтті.
Алматы. 23-қараша. Kazakhstan Today - Алматы қаласының әкімі Ахметжан Есімов Ингушетия Республикасының басшысы Юнус-Бек Евкуровпен кездесті, деп хабарлайды Kazakhstan Today агенттігінің тілшісі.
Бұл туралы ҚазАқпарат агенттігінің хабарлауынша, А. Есімов кездесу барысында мегаполисте ингуш диаспорасының салмақты саны - 3,5 мың адам тұратындығын және олар Алматының әлеуметтік-экономикалық дамуының барлық саласына белсенді қатысатындығын атап өтті.
"Алматы республикалық бюджетке салықтардың 29% пайызын беретін - еліміздің экономикалық, мәдени орталығы. Қала экономикасы қарқынды дамуда, олардың арасында Алматының Индустриалды аймағы, "Көк жайлау" тау-шаңғы курорты бар, бұларда жаңа заманауи жобаларды жүзеге асыруға әбден болады" - деді Ахметжан Есімов.
"Елдеріміз арасында жасалған Кедендік одақ экономикалық тиімділік пен инвесторлар үшін пайда әкелуде. Солтүстік Кавказ федералды округын, соның ішінде Ингушетияны дамыту бойынша мүмкіндігіміз мол. Біз болашақта мәдени ғана емес, сонымен қатар экономикалық бағыттар бойынша да өзара іс-қимыл мен ықпалдастықты нығайтуды жалғастыратын боламыз" , - деп атап өтті Юнус-Бек Евкуров.
Ингушетия басшысы Алматыға Ингушетия Республикасының құрылғанына 20 жыл толуына арналған бизнес- форумға қатысу үшін келді. Бұл оның Алматыға екінші сапары, алғаш рет 2009 жылы келген болатын.
Кездесу соңында Юнус-Бек Евкуров Алматы әкімі Ахметжан Есімовке Ингушетия Республикасының Құрмет грамотасын табыс етті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.