АСТАНА. 11-маусым. Kazakhstan Today. Алматыда 15-маусымда Шанхай Ынтымақтастық Ұйымының екінші отырысы өтеді. Бұл туралы бүгін брифингте Қазақстан Республикасының Сыртқы істер министрлігінің ресми өкілі Ержан Ашықбаев мәлім етті, деп хабарлайды Kazakhstan Today агенттігінің тілшісі.
Е. Ашықпаев, форум құрамына Шанхай Ынтымақтастық Ұйымының проблемаларымен айналысатын жетекші ғылыми ұйымдар кіретіндігін, еске сала кетті. "Форум регламентіне сәйкес 2007 жылы төрағалық ететін ел Қазақстан Республикасы болып табылады",- деді ол.
Е. Ашықбаевтің ақпараттарына сүйенсек, форумға қатысуға Шанхай Ынтымақтастық Ұйымына мүше елдер мен ұйымның бақылаушы мемлекеттерінің ұлттық зерттеу орталықтарының басшылары шақырылған. "Олар Шанхай Ынтымақтастық Ұйымын кеңейту, оның басқа да халықаралық ұйымдармен ынтымақтастық механизмі мәселелерін, сонымен қатар Іскер кеңесі, Банкаралық бірлестік және Энергетикалық клуб мәселелерін талқылайды",- деп қосты Сыртқы істер министрлігінің өкілі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Алматыда 15-маусымда ШЫҰ мәселелері жөніндегі форумның екінші отырысы өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.