Алматыда ЕурАзЭҚ форумына қатысушылар Кедендік одақ кодексінің жобасын келісті
Алматыда ЕурАзЭҚ форумына қатысушылар Кедендік одақ кодексінің жобасын келісті
Алматы. 25 қыркүйек. Kazakhstan Today - Алматыда ЕурАзЭҚ форумына қатысушылар Кедендік одақтың кодексінің жобасын келісті. Бұл туралы ЕурАзЭҚ бас хатшысы Тайыр Мансұров журналистерге мәлім етті, деп хабарлайды Kazakhstan Today.
"Бүгін біз 27 қарашада мемлекет басшыларының, 11 желтоқсанда үкімет басшыларының отырысына шығарылатын барлық мәселелерді түпкілікті қарадық", - деді Т. Мансұров.
"Басты үш мәселе бар: бұл Кедендік кодекс - ол іс жүзінде келісілді; біртұтас кедендік тариф, бұл 11 мыңнан астам тауар номенклатурасына қатысты мәселе және Ресей- Қазақстан және Қазақстан -Беларусь шекараларынан біртіндеп "кетуге" тиіс кедендік бекеттердің мәселесі", - деді бас хатшы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.