Алматыда ЕурАзЭҚ Интеграциялық комитетінің 46 -шы және Кедендік одақ комиссиясының 8-ші отырысы өтеді
Астана. 21 қыркүйек. Kazakhstan Today - Алматыда ЕурАзЭҚ Интеграциялық комитетінің 46 -шы және Кедендік одақ комиссиясының 8-ші отырысы өтеді. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today.
"Алматыда 25 қыркүйекте ЕурАзЭҚ Интеграциялық комитетінің 46 -шы және Кедендік одақ комиссиясының 8-отырысы өтеді. Қазақстан жағынан премьер- министрдің бірінші орынбасары Өмірзақ Шөкеев қатысады",- деді Е.Ашықбаев.
Оның айтуынша, ЕурАзЭҚ Интеграциялық комитетінің 46-шы отырысы барысында Еуразиялық экономикалық қауымдастығы шеңберінде Кедендік одақ және Біртұтас экономикалық кеңістік құру мәселелері талқыланбақ.
"Ал, Кедендік одақ комиссиясының отырысы барысында тараптар Кедендік одақ құру, Қазақстан, Ресей және Беларусьтің ДСҰ-ға енуі процесстері шеңберінде ынтымақтастық пен өзара әрекеттестік мәселелерін қарастырады деп күтілуде",- деді Е.Ашықбаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.