Алматыда Қазақстанның ДСҰ-ына мүшелікке өту мәселесі бойынша сессия өтті
Алматыда Қазақстанның ДСҰ-ына мүшелікке өту мәселесі бойынша сессия өтті
Алматы. 19 маусым. "Қазақстан Бүгін" - Алматыда Қазақстанның ДСҰ-ына мүшелікке өту мәселесі бойынша сессия өтті, деп хабарлайды агенттік тілшісі Еуропалық Комиссияның Қазақстан мен Қырғызстандағы өкілдігінің баспасөз қызметіне сілтеме жасап.
Баспасөз қызметінің ақпаратына сәйкес, "Қазақстанның Дүниежүзілік сауда ұйымына мүшелікке өту мәселесі бойынша екі жақты келіссөздер сессиясы 17-18 маусымда Алматыда өтті".
"Бұл келіссөздер алғаш рет Қазақстан жағында өтті. Бұл ЕО Қазақстанның ДСҰ-ға мүшелікке өтуіне қандай маңыз беретіндігінің айғағы", -делінген хабарламада.
Баспасөз қызметінің ақпаратына сәйкес, "индустрия және сауда вице-министрі Жанар Айтжанова мен Еуропалық Комиссияның ДСҰ мәселелері жөніндегі директоры Сигне Ратсо келіссөздер барысында айрықша өзекті мәселелерді, соның ішінде, Қазақстанның экспорт пен импорттық кедендік баж салықтары, Қазақстанның қызмет көрсету нарығына, атап айтсақ, телекоммуникациялық және қаржы секторларына қол жеткізу мүмкіндігі талқыланды. Импорттық баж салығы мен басқа да бірқатар мәселелер бойынша айтарлықтай ілгерілеушілікке қол жеткізілді".
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.