АЛМАТЫ. 11-қыркүйек. Kazakhstan Today. Өткен жексінбі күні, 10-қыркүйекте Алматыда екі құрылтай сьез өтіп, онда Қазақстанда Жалпыұлттық социал-демократиялық партия мен "Алға" халықтық партиясын құру жөнінде шешім қабылданды, деп хабарлайды Kazakhstan Today тілшісі.
"Алға" партиясының саяси кеңесі төралқасының төрағасы болып сайланған Асылбек Қожахметовтың бүгін Алматыда өткен баспасөз мәслихатында хабарлағанындай, сьезге 1300-ден астам адам қатысқан. Сьезге қатысушылар барлық жарғылық және бағдарламалық құжаттарды қабылдап, партияның нышан-белгісін бекіткен. Сонымен бірге басқарушы орган сайланды. Сьезд аяқталғаннан кейін партиялық пікірталас өтіп, оған республика аймақтарынан келген партия мүшелері қатысты.
Сол күні жаңадан құрылған Жалпыұлттық социал-демократиялық партияның да құрылтай сьезі өтті. Оған 2600 адам қатысты. Сьезде партияның саяси кеңесі мен Жалпыұлттық социал-демократиялық партияның төрағасы сайланды. Партияны Жармахан Тұяқбай басқаратын болды. Сонымен бірге сьезд барысында жаңа бірлестіктің жарғысы мен бағдарламасы бекітілді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Алматыда Жалпыұлттық социал-демократиялық партия мен "Алға" халықтық партиясының құрылтай сьездері өтті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.