Алматыда жеңіл атқыш қарудың заңсыз айналымы мәселелері бойынша аймақтық семинар өтеді
Алматыда жеңіл атқыш қарудың заңсыз айналымы мәселелері бойынша аймақтық семинар өтеді
Астана. 25 мамыр. Kazakhstan Today - Алматыда 24 және 25 мамырда Қазақстан Сыртқы істер министрлігі мен "SaferWorld" халықаралық үкіметтік емес ұйымы бірлесе ұйымдастаратын жеңіл атқыш қарудың заңсыз айналымы мәселелері бойынша аймақтық семинар өтеді. Бұл туралы кеше журналистерге арнап өткізілген қысқаша баспасөз мәслихатында ҚР СІМ-нің ресми өкілі Асқар Ибдірахманов құлағдар етті,- деп хабарлайды Kazakhstan Today.
Іс шараның негізгі мақсаты Орталық Азия елдері мен Еуропадағы Қауіпсіздік және Ынтымақтастық Ұйымы, Ұжымдық Қауіпсіздік Шарты Ұйымы, Шанхай Ынтымақтастық Ұйымы секілді халықаралық бірлестіктердің тәжірибесіне сүйене отырып жеңіл атқыш қарудың бақылаусыз таралу қаупін төмендету мақсатында аймақтық әрекеттестік пен ақпарат алмасуға жаңа серпін беру болып табылады.
Семинар жұмысына Орталық Азия елдері, Ауғанстан, Қытай, Ресей, Еуроодақ. Біріккен Ұлттар Ұйымының қарусыздану жөніндегі кеңсесі мен Ашхабадтағы превентивті дипломатия жөніндегі өңірлік орталығының өкілдері қатысады деп күтілуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.