Алматылық кәсіпкер ҚР президенттігіне үміткер ретінде ОСК өтініш берді
Өзін өз ұсынып отырған Қанат Төрегелдинов ҚР президенттігіне үміткер ретінде ОСК өтініш берді, деп хабарлайды Kazakhstan Today агенттігінің тілшісі.
Алматы. 15 - ақпан. Kazakhstan Today - Өзін өз ұсынып отырған Қанат Төрегелдинов ҚР президенттігіне үміткер ретінде ОСК өтініш берді, деп хабарлайды Kazakhstan Today агенттігінің тілшісі.
7kun.kz ақпараттық агенттігінің хабарлауынша, кеше ҚР Орталық сайлау комиссиясына тағы бір Президенттіктен үміткер тіркелген.
Бұл жолғы үміткер Қанат Төрегелдиев есімді Алматы қаласының тұрғыны. 1962 жылы туған. Ол "Нұр Ислам" туристік фирмасын басқаратын кәсіпкер.
Қ. Төрегелдиновтың айтуынша, ол егер жеңіске қол жете қалған жағдайда ең алдымен халықтың несиелерін жабуға көмектеседі. "Мен ең алдымен қазақстандықтардың несиелерін жауып, адамдарға көмектесем. Базарларда домаларақ шарларды айналдырып, адамдарды алдайды ғой. Несиелік жүйе де дәл осылай. Осы үшін қаншама адам қиналып жүр",- деді үміткер.
Сөйтіп, бүгінгі күнде Орталық сайлау комиссиясы ҚР президенттігінен үміткер алты кандидатты тіркеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.