Американдық-қазақстандық-ресейлік "ДЕГЕЛЕҢ" жобасының ресми жабылу рәсімі өтеді
"17-18 қазан аралығында Курчатовта американдық-қазақстандық-ресейлік "ДЕГЕЛЕҢ" жобасының ресми жабылу рәсімі болып өтетінін хабарлаймыз. Жалпы, біз үшжақты "Дегелең" жобасының табысты аяқталуын ортақ ынтымақтастықтың жемісі деп танимыз", - деп мәлім етті ресми өкіл.
Астана. 16-қазан. Kazakhstan Today - Курчатовта американдық-қазақстандық-ресейлік "ДЕГЕЛЕҢ" жобасының ресми жабылу рәсімі өтеді, деп хабарлайды Kazakhstan Today агенттігінің тілшісі.
Бұл туралы бүгін Астанада ҚР Сыртқы істер министрлігінің ресми өкілі Алтай Ибибуллаев мәлім етті, деп жазады ҚазАқпарат агенттігі.
"17-18 қазан аралығында Курчатовта американдық-қазақстандық-ресейлік "ДЕГЕЛЕҢ" жобасының ресми жабылу рәсімі болып өтетінін хабарлаймыз. Жалпы, біз үшжақты "Дегелең" жобасының табысты аяқталуын ортақ ынтымақтастықтың жемісі деп танимыз", - деп мәлім етті ресми өкіл.
Естеріңізге сала кетейік, 1995 жылдан 2000 жылға дейін Семей сынақ полигонындағы ядролық сынақтарды жүргізу инфрақұрылымын жою жұмыстары екіжақты негізде (ҚР-АҚШ) атқарылып келді. Ал 2000 жылдан бастап жұмыстар үшжақты негізді жүргізілуде (Қазақстан-Ресей-АҚШ).
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.