АСТАНА. 12-ақпан. Kazakhstan Today. 12-13-ақпанда Анкарада ядролық лаңкестік әрекеттерімен күрес жөніндегі ғаламдық бастамаға қатысушы елдердің өкілдерінің екінші кездесуі өтеді, деп хабарлайды Kazakhstan Today тілшісі.
Бүгін Астанада өткен дәстүрлі баспасөз мәслихатында СІМ-нің баспасөз хатшысы Ілияс Омаровтың хабарлағанындай, отырысқа СІМ-нің орынбасары Нұрлан Ермекбаев басқарған Қазақстан өкілдері қатысады. Оның айтуынша, Н.Ермекбаев ядролық лаңкестік әрекеттерімен күрестегі халықаралық ынтымақтастықты күшейту туралы Қазақстан жағының ұстанымын таныстырады.
"Бұл бастаманы Ресей мен АҚШ президенттері "Үлкен сегіздіктің" саммиті қарсаңында 2006-жылдың шілде айында Санкт-Петербургте жария еткен. Қазақстан АҚШ , Ресей, Австралия, Ұлыбритания, Германия, Италия, Канада, Қытай, Түркия, Франция және Жапониямен бірге бастама бойынша алғашқы серіктестердің бірі болып табылады", деді СІМ өкілі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Анкарада ядролық лаңкестік әрекеттерімен күрес жөніндегі ғаламдық бастамаға қатысушы елдердің өкілдерінің екінші кездесуі өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.