Армениядағы президент сайлауында республиканың қазіргі үкімет басшысы Серж Саркисян көш бастап келеді
Армениядағы президент сайлауында республиканың қазіргі үкімет басшысы Серж Саркисян көш бастап келеді
Ереван. 20-ақпан. "Қазақстан Бүгін" - Сайлау бюллетендерінің 99,5 пайызын өңдеу көрсеткіші бойынша Армениядағы президент сайлауында республиканың қазіргі үкімет басшысы Серж Саркисян көш бастап келеді. Бұл туралы "Қазақстан Бүгін" агенттігінің тілшісіне Арменияның Орталық сайлау комиссиясы хабарлады.
С. Саркисян үшін сайлаушылардың 55,62% дауыс берген. Екінші орында Левон Тер-Петросян - 21,41%, ал үшіншіде - Артур Багдасарян - 16,63%. 1923 сайлау учаскесінің 1891-ндегі 16 411 672 бюллетень саналған. Ол Армения президентіне дауыс беруге құқылы сайлаушылардың 69,25% құрайды.
Сонымен бірге, 19-ақпанда өткен мемлекет басшысын сайлауда екінші орын алған Арменияның бұрынғы президенті Левон Тер-Петросянның жақтастары жергілікті уақыт бойынша 11 сағатта Ереван орталығындағы алаңға шеруге жиналды, деп хабарлайды агенттік тілшісі.
Қарсылық акциясына шамамен бір жарым мың адам қатысуда.
Билік қауіпсіздік шараларын қабылдау үстінде. Ереван қаласына кіретін барлық жолдар жабылған. Шеру өткізіліп жатқан жерді милиция және арнайы бөлім қызметкерлері қоршауға алған. Шеру өтіп жатқан алаңның қасында орналасқан Орталық сайлау комиссиясына баратын жолдар жабылған.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.