Ашгабадта 10 сәуірде "ЕО үштігі - Орталық Азия елдері" кездесуі өтеді
Ашгабадта 10 сәуірде "ЕО үштігі - Орталық Азия елдері" кездесуі өтеді
Астана. 7 сәуір. "Қазақстан Бүгін" - Ашгабадта 10 сәуірде сыртқы істер министрлері деңгейінде "ЕО үштігі - Орталық Азия елдері" кездесуі өтеді, оған ҚР СІМ Марат Тәжин басқарған Қазақстан делегациясы қатысады. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Қазақстан Бүгін тілшісі.
Ол кездесудің күн тәртібінде Еуропалық Одақ пен Орталық Азия елдері арасындағы "Жаңаша әріптестік стратегиясын" жүзеге асыру, білім беру, сауда және экономика, энергетика және қоршаған ортаны қорғау мәселелері мен қазіргі қатерлермен күрес және халықаралық сипаттағы бірқатар мәселелер талқыланады.
Мәселен, Е. Ашықбаевтың нақтылауынша, "Қазақстан жағы стратегияны жекелеген бағыттарда жүзеге асыру іс-қызметін шоғырландыруды ұсынбақшы". "Нақты жобаларды жүзеге асыру талап етілетін бірінші кезектегі салалар ретінде білім беру, транспорт және қоршаған ортаны қорғау аталады", - деді ол.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.