Ашхабад қаласында ТМД қатысушы-мемлекеттер сыртқы істер министрлері кеңесінің кезекті отырысы өтеді
Ашхабад қаласында ТМД қатысушы-мемлекеттер сыртқы істер министрлері кеңесінің кезекті отырысы өтеді
Астана. 10 сәуір. "Қазақстан Бүгін" - Ашхабад қаласында бүгін ТМД қатысушы-мемлекеттер сыртқы істер министрлері кеңесінің кезекті отырысы өтеді. Қазақстан тарапынан ҚР Сыртқы істер министрі Марат Тәжин бастаған делегация қатысады, деп хабарлайды "Қазақстан Бүгін" агенттігінің тілшісі ҚР СІМ-нің хабарламасына сілтеме жасап.
Отырыс барысында ТМД шеңберіндегі ынтымақтастықтың дамуы, ұжымдық қызмет механизмдерін жетілдіру, стратегиялық тұрақтылық пен өңірлік қауіпсіздік және басқа да өзекті мәселелердің талқылануы жоспарлануда.
Отырыстың қорытындысы бойынша Достастық елдер арасындағы өзара әрекеттестікті нығайтуға арналған құжаттар қабылданбақ.
Шара барысында Қазақстан сыртқы істер ведомствасы басшысының бірқатар екіжақты кездесулері жоспарланған.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.