Ашхабадта 4 желтоқсан күні ТМД мүше елдердің Сыртқы істер министрлері Кеңесінің отырысы өтеді
"Кездесу барысында тараптар 5 желтоқсан күні болып өтетін ТМД мемлекет басшылары Кеңесінің отырысына дайындық мәселелерін талқыға салып, халықаралық күн тәртібіндегі өзекті мәселелер мен өзара қызығушылық тудыратын тақырыптар төңірегінде пікіралмасады деп күтілуде", деп ақпараттандырды Омаров брифинг барысында.
Астана. 1-желтоқсан. Kazakhstan Today - Ашхабадта 4 желтоқсан күні ТМД мүше елдердің Сыртқы істер министрлері Кеңесінің отырысы өтеді, деп хабарлайды Kazakhstan Today агенттігінің тілшісі.
Бұл туралы жұма күні сыртқы істер министрлігінің баспасөз хатшысы Ілияс Омаров мәлім етті.
"Кездесу барысында тараптар 5 желтоқсан күні болып өтетін ТМД мемлекет басшылары Кеңесінің отырысына дайындық мәселелерін талқыға салып, халықаралық күн тәртібіндегі өзекті мәселелер мен өзара қызығушылық тудыратын тақырыптар төңірегінде пікіралмасады деп күтілуде", деп ақпараттандырды Омаров брифинг барысында.
Сонымен қатар, СІМК отырысы аясында "Кеңес халқының Ұлы Отан соғысын Жеңгеніне 70 жылдық мерейтойға дайындық туралы"; 2013-2014 ж.ж. арналған гуманитарлық ынтымақтастық саласындағы басты іс-шаралар Жоспары туралы жобаларды қарастыру мен шешім қабылдау көзделіп отыр. Сондай-ақ, Қоршаған ортаны қорғау, білім беру, ғылыми және ғылыми-педагогикалық кадрлар даярлау саласындағы ынтымақтастық туралы Келісімдер жобасын келісу жоспарланып отыр.
Осымен қоса, ТМД мемлекеттік және қоғамдық телерадиоұйымдарының Жетекшілері Кеңесінің қызметі туралы есеп тыңдалады.
Отырыс алаңында Ерлан Ыдырысовтың ТМД мүше-мемлекеттерінің сыртқы саяси ведомство басшыларымен бірқатар екіжақты кездесулері қарастырылған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.