Астана әкімі Біріккен Араб Имірліктерінің елшісімен кездесті
Астана әкімі Біріккен Араб Имірліктерінің елшісімен кездесті
Астана. 7-желтоқсан. "Қазақстан Бүгін" - Астана әкімі Асқар Мамин Біріккен Араб Имірліктерінің Қазақстан Республикасындағы елшісі Ибрахим Хассан Сайф бен Рабех аль-Алимен кездесті, деп хабарлайды "Қазақстан Бүгін" агенттігінің тілшісі.
Астана әкімшілігіндегілердің хабарлауынша, «тараптар Қазақстанның астанасы мен Араб Имірліктері аймақтарының арасындағы ынтымақтастық ахуалы мен оны дамытудың келешегін талқылады. Араб дипломатының бұл сапарының негізгі мақсаты Біріккен Араб Имірліктерінің елшілігін салу үшін, Қазақстан Республикасынан жер телімін бөлу болып табылады. Елші, ғимарат құрылысының келісім шартқа қол қойылысымен-ақ басталатындығын атап өтті».
Қала әкімінің бағалауынша, Қазақстан Республикасы мен Біріккен Араб Имірліктерінің арасындағы екі жақты ынтымақтастық серпінді сипатқа ие. Оған «Aldar» компаниясының іс-қызметі куә. Баршаға белгілі, жуықта ғана Астанада 88 қабатты «Абу-Даби Плаза» кешенін салу басталғандығы туралы жария етілген болатын. Дипломат өз кезегінде араб жағының Ақтау айлағы мен Бурабай курортын экономикалық тұрғыдан дамытуға мүдделі екендігін атап көрсетті.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.