АСТАНА. 20-желтоқсан. Kazakhstan Today. Астанадағы Бейбітшілік және келісім сарайында 22-желтоқсанда "Отан" партиясының кезектен тыс оныншы сьезі өтеді, деп хабарлайды Kazakhstan Today тілшісі партияның баспасөз қызметіне сілтеме жасап.
"Партияның басты форумына еліміздің шартарабынан 700 делегат шақырылған",- деп хабарлайды баспасөз қызметі.
Сьезде Азаматтық және Аграрлық партиялардың "Отан" партиясына бірігу жөніндегі шешімі қаралады. Сонымен бірге партияның жарғысына өзгерістер мен толықтырулар енгізу мәселесі қаралады. Сьезде "Отан" партиясының атауын өзгерту мәселесі де талқыланады деп күтілуде.
Баспасөз қызметінің хабарлауынша, сьезге қатысушылар президент Нұрсұлтан Назарбаевтың біріккен "Отан" партиясының алдына қойған мақсат-міндеттерін талқыға салады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Астанада 22-желтоқсанда "Отан" партиясының кезектен тыс сьезі өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.