АСТАНА. 23- сәуір. Kazakhstan Today. Астанада 25-сәуірде ТМД елдерінің сыртқы істер министрлері кеңесінің кезекті отырысы өтеді. Бұл туралы бүгін брифингте Қазақстан Республикасының Сыртқы істер министрлігінің ресми өкілі Ержан Ашықбаев мәлім етті, деп хабарлайды Kazakhstan Today агенттігінің тілшісі.
Е. Ашықбаевтің айтуынша, сыртқы саясат мекемелері басшыларының кездесуі барысында ТМД аясындағы көпжақты өзара ықпалдастықтың бірқатар өзекті мәселелерін талқылау жоспарлануда.
Сонымен қатар, сыртқы істер министрлігі өкілінің ақпараттарына сүйенсек, 25 - 26-сәуір аралығында Астанада ТМД елдерінің қылмыспен күрес саласындағы ынтымақтастығын жүргізетін органдарының үйлестіруші кеңесі өтеді. Ержан Ашықбаев, ондай органдардың қатарына ішкі істер министрлерінің кеңесі, Қауіпсіздік органдары мен арнаулы қызметтер басшыларының кеңесі, Бас прокурорлардың үйлестіруші кеңесі, Шекаралық әскер қолбасшылар кеңесі, Салықтық (қаржылық) тергеу органдары басшыларының үйлестіруші кеңесі, Кеден қызметтері басшылары кеңесінің жататындығын хабарлады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Астанада 25-сәуірде ТМД елдерінің сыртқы істер министрлері кеңесінің кезекті отырысы өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.