АСТАНА. 26-наурыз. Kazakhstan Today. 28 наурызда Астанада Сыртқы істер министрлерінің деңгейінде "Еуропалық Одақ Үштігі - Орталық Азия елдерінің" форматында 4-ші кездесу өтеді. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today тілшісі.
Еуропалық Одақ делегациясының құрамында ГФР сыртқы істер министрі (2007 жылдың бірінші жартысында ЕО-ға төрағалық етуші мемлекет) Франк-Вальтер Штайнмайер, Еуропалық Комиссияның сыртқы байланыстар және Еуропалық көршілік саясаты жөніндегі комиссары Бенита Ферреро-Вальднер, ЕО-ның Орталық Азия бойынша арнайы өкілі Пьер Морель, Ресейдегі Португалия Елшісі Мануэль Курту (2007 жылдың 2-ші жарты жылдыққа ЕО-ға төрағалық етуші мемлекет) бар.
Орталық Азия елдерінен Қазақстан Республикасының сыртқы істер министрі Марат Тәжин, Өзбекстаннан - Владимир Норов, Тәжікстаннан - Хамрохон Зәріпов, Қырғызстаннан - Эднан Қарабаев, және Түрікментстаның сыртқы істер министрінің орынбасары Вепа Хаджиев қатысады.
"Кездесудің бас тақырыбы Еуропалық Одақта Германияның төрағалық етуімен әзірленіп жатқан 2007-2013 жылдарға арналған Орталық Азия бойынша стратегиясы және оған байланысты өңір мемлекеттерінің үміттері", деді Е.Ашықбаев.
Кездесудің қорытындысы бойынша кеңеске қатысушыларды Елбасы қабылдайды деп жоспарлануда.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Астанада 28 наурызда сыртқы істер министрлерінің деңгейінде "Еуропалық Одақ Үштігі - Орталық Азия елдерінің" форматындағы кездесуі өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.