Астанада Азиядағы өзара ықпалдастық және сенім шаралары жөніндегі кеңес ұйымының халықаралық конференциясы өтеді - ҚР СІМ
Астанада Азиядағы өзара ықпалдастық және сенім шаралары жөніндегі кеңес ұйымының халықаралық конференциясы өтеді - ҚР СІМ
Астана. 11 тамыз. "Қазақстан Бүгін" - Астанада Азиядағы өзара ықпалдастық және сенім шаралары жөніндегі кеңес ұйымының халықаралық конференциясы өтеді. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Қазақстан Бүгін тілшісі.
"12 тамызда Астанадағы президенттің мәдени орталығында Азиядағы өзара ықпалдастық және сенім шаралары жөніндегі кеңестің сенім шараларының каталогын жүзеге асыру іс-шараларының жоспарына сәйкес "Орталық Азия елдерінің мәдениетаралық ықпалдастығы" деген тақырыпта халықаралық ғылыми-тәжірибелік конференция өтеді", - деді Е. Ашықбаев.
"Шараның мақсаты - Орталық Азияда бейбітшілік пен қауіпсіздікті қамтамасыз ету үшін гуманитарлық бағыттағы ынтымақтастықты нығайту, Қазақстанның түрлі өркениеттер арасындағы мәдени диалогты дамытуға қосқан үлесі мен жетістіктерін насихаттау болып табылады", - деді ол.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.