Астанада екі жақты ынтымақтастық жөніндегі Қазақстан -Қырғызстан үкіметаралық бірлескен комиссиясының жетінші отырысы басталды
Астанада екі жақты ынтымақтастық жөніндегі Қазақстан -Қырғызстан үкіметаралық бірлескен комиссиясының жетінші отырысы басталды
Бішкек. 16 сәуір. "Қазақстан Бүгін" - Астанада бүгін екі жақты сауда-экономикалық, ғылыми-техникалық, мәдени-гуманитарлық салалардағы ынтымақтастық жөніндегі Қазақстан -Қырғызстан үкіметаралық бірлескен комиссиясының жетінші отырысы басталды, деп хабарлайды агенттік тілшісі Қырғызстан үкіметінің баспасөз қызметіне сілтеме жасап.
Қырғыз жағынан комиссияның тең төрағасы болып Қырғызстанның өнеркәсіп, энергетика және отын ресурстары министрі Сапарбек Балкибеков бекітілген, деп хабарлайды баспасөз қызметі. Комиссия құрамына мүдделі министрліктер мен мекемелердің, бірқатар қырғыз кәсіпорындарының өкілдері кірген.
Қазақстан жағынан комиссияның тең төрағасы - ҚР энергетика және минералды ресурстар вице-министрі Дүйсенбай Тұрғанов.
Күн тәртібіне екі жақты қарым-қатынастарды мейлінше қарқынды дамытуға септігін тигізетін бірқатар мәселелер енгізілген. Атап айтсақ, су-энергетикалық ресурстар, ауылшаруашылығы, транспорттық коммуникациялар мен сауданы дамыту, табиғи және техногендік сипаттағы төтенше жағдайлардың алдын алу салаларындағы ынтымақтастықтардың келешегі талқыланады. Сондай-ақ, делегация өкілдері қазақ-қырғыз инвестициялық қорының жұмыс перспективаларын жан-жақты талқыламақшы.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.