Астанада ЕҚЫҰ Парламенттік Ассамблеясы өкілі мен ҚР Адам құқықтары жөніндегі уәкілі кездесті - баспасөз баяны
"Кездесу барысында жақтар, Нидерланд Корольдігі мен Қазақстан Республикасында омбудсмен институттарының жұмыс істеулері жалпы мәселелері талқыланып, екі елдің құқық қорғаушы қызметінің тәжірибелерімен алмасылды",- дейді ҚР Адам құқықтары жөніндегі уәкіл аппаратының баспасөз қызметі.
Бүгін Астанада ЕҚЫҰ Парламенттік Ассамблеясы өкілі, Нидерланд Парламентінің депутаты Джошкун Чөрүзбен Қазақстан Республикасындағы Адам құқықтары жөніндегі уәкіл Асқар Шәкіровтің кездесуі өтті.
"Кездесу барысында жақтар, Нидерланд Корольдігі мен Қазақстан Республикасында омбудсмен институттарының жұмыс істеулері жалпы мәселелері талқыланып, екі елдің құқық қорғаушы қызметінің тәжірибелерімен алмасылды",- дейді ҚР Адам құқықтары жөніндегі уәкіл аппаратының баспасөз қызметі.
А. Шәкіров, ұлттық құқық қорғаушы институты қызметінің ең маңызды нысандарын бажайлап түсіндіріп, қонақты мекеменің негізгі бағыттарымен таныстырды.
Өз кезегінде Еуродепутат, мемлекеттік органдар мен үкіметтік емес ұйымдар арасындағы азаматтардың құқықтарын қамтамасыз ету жөніндегі әрекеттестік мәселелерін қозғап, бұл үдерісте медиатор ретінде орындалатын ҚР Адам құқықтары жөніндегі уәкіл мекемесінің рөлін құрметпен бағалады, деп хабарлады ҚазАқпарат агенттігі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.