Астанада Есеп комитеті мен Ұлыбританияның Ұлттық аудит жөніндегі кеңсесі ынтымақтастық туралы келісімге қол қойды
Астанада Есеп комитеті мен Ұлыбританияның Ұлттық аудит жөніндегі кеңсесі ынтымақтастық туралы келісімге қол қойды.
"ҚАЗАҚСТАН БҮГІН". 12 қыркүйек. АСТАНА. Астанада Есеп комитеті мен Ұлыбританияның Ұлттық аудит жөніндегі кеңсесі ынтымақтастық туралы келісімге қол қойды. Қазақстан жағынан келісімге Есеп комитетінің төрағасы Омархан Өксікбаев, Ұлыбритания жағынан Ұлыбританияның Бас аудиторы әрі бақылаушысы Джон Борн қол қойды, деп хабарлайды агенттік тілшісі.
"Бұл келісімде екі ел арасында өзара ақыл-кеңес беру, әдістемелік көмектер көрсету, іс-қызметіміздің тиімділігіне аудиторлық тексеру жүргізу, сондай-ақ, бізге жүктелген заңсыз жолмен табылған ақшаны заңдастырумен, сыбайлас жемқорлықпен және парақорлықпен күресу секілді аса маңызды функциялық міндеттемізді жүзеге асыру тиімділігіне аудиторлық тексеру жүргізу мүмкіндіктері қарастырылған", - деді О. Өксікбаев.
Тараптар кәсіби маман дайындау және олардың біліктілігін арттыру жөнінде өзара бірлесе жұмыс істеуге ниет білдіріп отыр. Аталмыш құжатта Есеп комитеті мен Ұлыбританияның Ұлттық аудит офисі мемлекеттік қаржылық бақылау мәселелері бойынша бірлескен зерттеулер, семинарлар, конференциялар және жұмыс бабындағы кездесулерді ұйымдастырып, өткізеді делінген.
Есеп комитетінің баспасөз қызметі таратқан келісімнің мәтінінде атап көрсетілгеніндей, "екі жақ мемлектетік қаржылық бақылауға қатысы бар ұлттық заңнамалық актілермен, кәсіби ақпаратпен және әдістемелермен алмасады".
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.