АСТАНА. 18-сәуір. Kazakhstan Today. Бүгін Астанада ЕурАзЭҚ мемлекетаралық кеңесінің үкімет басшылары деңгейіндегі отырысы өтуде, деп хабарлайды Kazakhstan Today тілшісі.
Кездесуге Қазақстан үкімет басшысы Кәрім Мәсімов, Ресей үкімет басшысы Михаил Фрадков, Беларусь вице-премьері Андрей Кобяков, Тәжікстан үкімет басшысы Акил Акилов, Өзбекстан үкімет басшысы Рустам Азимов пен Қырғызстан үкімет басшысы Алмазбек Атамбаев қатысып отыр.
"Қоғамдастық аясындағы интеграциялық деңгейімізді көтеру біздің елдеріміздегі экономикалық өсім қарқынына оңды әсер ете отырып, нәтижесінде халықтың тұрмыс деңгейін көтеруге де ықпалын тигізбек. Біздің алға қойған мақсаттарымызды шешуге бүгін біздің өз жұмыстарымыз барысында қабылдайтын шешімдер де септігін тигізеді дегенге сенемін",- деді М.Фрадков өз сөзінде.
Бұдан бұрын да хабарлағанымыздай, кездесу барысында тараптар мемлекетаралық кеңестің 2006-жылдың 16-тамызындағы мемлекет басшылары деңгейіндегі шешімдердің кедендік одақты құруға қатысты құруға қатысты құжаттарды қабылдау жөніндегі бөлігі мен ЕурАзЭҚ аясындағы көп жақты өзекті ынтымақтастыққа қатысты басқа да шешімдерді жүзеге асыру жайын талқыламақшы.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Астанада ЕурАзЭҚ мемлекетаралық кеңесінің үкімет басшылары деңгейіндегі отырысы өтуде
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.