Астанада Ынтымақтастық жөніндегі Қазақстан-Қытай комитетінің VI отырысы өтуде
ҚР премьер-министрінің баспасөз қызметінің хабарлауынша, жиынға ҚР Премьер-Министрінің орынбасары Қайрат Келімбетов пен ҚХР Мемлекеттік кеңесінің вице-премьері Ван Цишань төрағалық етуде.
Астана. 8-желтоқсан. Kazakhstan Today - Бүгін Астанада Ынтымақтастық жөніндегі Қазақстан-Қытай комитетінің VI отырысы өтуде, деп хабарлайды Kazakhstan Today агенттігінің тілшісі.
ҚР премьер-министрінің баспасөз қызметінің хабарлауынша, жиынға ҚР Премьер-Министрінің орынбасары Қайрат Келімбетов пен ҚХР Мемлекеттік кеңесінің вице-премьері Ван Цишань төрағалық етуде.
Отырыс барысында тараптар қауіпсіздік, энергетика, геология және жер қойнауын пайдалану, көлік, қаржы, сауда-экономикалық, ғылыми-техникалық және мәдени-гуманитарлық салалардағы ынтымақтастық мәселелерін талқылауда.
ҚР Сыртқы істер министрлігінің ақпараты бойынша, Ынтымақтастық жөніндегі Қазақстан-Қытай комитетінің құрамына 10 кіші комитет және Трансшекаралық өзендерін пайдалану және қорғау жөніндегі Қазақстан-Қытай бірлескен комиссиясы кіреді.
Кезекті отырыстың қорытындысы бойынша Ынтымақтастық жөніндегі Қазақстан-Қытай комитеті VI отырысының қорытынды Хаттамасына қол қойылады.
Тараптар Комитеттің келесі VII отырысын Бейжіңде өткізу туралы шешім қабылдады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.