Астанада Қазақстан мен Беларусьтің сауда-экономикалық ынтымақтастық жөніндегі үкіметаралық комиссиясының отырысы өтуде
Астана. 25 қыркүйек. "Қазақстан Бүгін" - Астанада Қазақстан мен Беларусьтің сауда-экономикалық ынтымақтастық жөніндегі үкіметаралық комиссиясының отырысы өтуде, деп хабарлайды агенттік тілшісі.
Қазақстан жағын төтенше жағдайлар министрі Владимир Божко, беларусь жағын - үкімет басшысының орынбасары Иван Бамбиза басқаруда.
Отырыс барысында еліміздің төтенше жағдайлар министрі атап өткеніндей, "екі ел арасындағы ынтымақтастық өзара сенімділік пен түсіністік жағдайында дамып келеді". "Қазақстан мен Беларусь арасындағы ынтымақтастықтың келісім-құқықтық базасы түрлі саладағы 60-тан астам келісімдер мен шарттардан тұрады, екі жақты уағдаластықтың орындалуына жасалған талдау өткен кезеңде қарқынды өсіп келеді", - деді ол.
"Қазақстанда "МТЗ", "МАЗ", "БелАЗ", "БелавтоМАЗ" автотехникасына сервистік қызмет көрсету және сату орталықтары мен өкілдіктерін құру жұмыстары жалғасын табуда. Бұған тұрақты өкізіліп келе жатқан өзара сапарлар мен жоғары деңгейдегі кездесулер де өз септігін тигізуде", - деді В. Божко.
Оның айтуынша, өзара тауар айналымының өсімі $525,1 млн, ал Қазақстан экспорты 2007 жылы $129,2 млн болды. Қазақстанға әкеліген Беларусь өнімдерінің импортының көлемі 2007 жылы $395,9 млн жетті.
Бүгін түстен кейін Қазақстан үкімет басшысы Кәрім Мәсімов пен Беларусь үкімет басшысының орынбасары Иван Бамбизаның кездесуі өтеді деп жоспарлануда.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.