Астанада Қазақстан мен Бразилия мемлекет басшылары арасындағы келіссөздер басталды
Астанада Қазақстан мен Бразилия мемлекет басшылары арасындағы келіссөздер басталды
Астана. 17 маусым. "Қазақстан Бүгін" - Астанада бүгін Елбасы Нұрсұлтан Назарбаев пен елімізге мемлекеттік сапармен келген Бразилия Федеративтік Республикасының президенті Луис Инасиу Лула да Сильваның келіссөздері басталды, деп хабарлайды "Қазақстан Бүгін" агенттігі.
Келіссөздер барысында сауда экономикалық ынтымақтастықты дамыту мәселесі қаралады. Қазақстан мен Бразилияның тауар айналымының көлемі 2008 жылы екі есеге артып, 275 миллион АҚШ долларын құрады. Оның 26 миллионнан астамы - экспортты, ал 250 миллион долларға жуығы импортты құрайды.
Қазақстан президенті екі ел арасындағы іскерлік байланысты қарқындандыру үшін сауда-экономикалық ынтымақтастық жөніндегі үкіметаралық комиссия құруды ұсынды. Мемлекет басшысы бұған қоса Қазақстанда шетелдік инвесторларға қажетті барлық жағдайлардың жасалғанын атап өтті.
Қазақстан мен Бразилия қарым-қатынасында болашағы бар бар бағыттар ретінде энергетика, ауыл шаруашылығы, машина құрылысы, металлургия, авиация, ғарыштық зерттеулер, туризм және спорт салалары саналады.
Екі ел арасындағы дипломатиялық байланыстар 1993 жылы 22-қыркүйекте ораған.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.