АСТАНА. 18 - маусым. Kazakhstan Today. Астанада 20-маусымда Қазақстан мен Итальяның өнеркәсіптік және экономикалық ынтымақтастық және алмасулар жөніндегі үкіметаралық жұмыс тобының төртінші отырысы өтеді.
Бұл туралы бүгін Астанада өткен дәстүрлі брифингте Қазақстан Республикасы Сыртқы істер министрлігінің ресми өкілі Ержан Ашықбаев хабарлады. Дипломаттың хабарлауынша, отырыс Қазақстан Республикасының премьер-министрінің орынбасары-экономика және бюджетті жоспарлау министрі Аслан Мусиннің төрағалығымен өтеді. Италья жағының тең төрағасы Италья Республикасының халықаралық сауда министрінің орынбасары Милош Будин болып табылады.
"Үкіметаралық жұмыс тобы аясында Қазақстан мен Италья арасындағы екіжақты сауда-экономикалық, энергетикалық және транспорттық ынтымақтастық мәселелері талқыланатын болады",- деп түсіндірді сыртқы істер министрлігінің өкілі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Астанада Қазақстан мен Итальяның өнеркәсіптік және экономикалық ынтымақтастық және алмасулар жөніндегі үкіметаралық тобының төртінші отырысы өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.