АСТАНА. 5-ақпан. Kazakhstan Today. Бүгін Астанада Қазақстан Республикасының сыртқы істер министрі Марат Тәжин мен АҚШ-тың мемлекеттік хатшысының орынбасары Дэниел Салливан экономика, энергетика және инвестиция саласындағы екі жақты ынтымақтастық туралы мәселелерді талқылады, деп хабарлайды Kazakhstan Today агенттігінің тілшісі.
"Біз мемлекеттік департамент үшін басымдыққа жататын экономика саласындағы, сонымен қатар энергетика, инвестиция, Қазақстан экономикасын әртараптандыру әдістері саласындағы ынтымақтастықты одан әрі дамыту мәселелерін талқылау барысында жақсы пікірталастар өткіздік", - деді брифингте Д. Салливан.
Сонымен қатар, ол кездесу барысында "өзара тиімді ынтымақтастық барысында АҚШ Қазақстанға қандай көмектер бере алады", деген мәселелер де талқыланды, деп қосты.
Американдық дипломат сапар аясында "былтырғы жылдың қыркүйек айында Нұрсұлтан Назарбаев пен Джордж Буштың кездесуі кезінде қозғалған мәселелерді одан әрі талқылауға арналған" бірнеше кездесулердің өтетіндігін мәлім етті.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Астанада Қазақстан Республикасының сыртқы істер министрі мен АҚШ-тың мемлекеттік хатшысының орынбасары екі елдің ынтымақтастығы туралы мәселелерді талқылады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.