Астанада "Қазақстанның ЕҚЫҰ-дағы төрағалығы: қатерлер мен мүмкіндіктер" атты халықаралық конференция өтеді
Астанада "Қазақстанның ЕҚЫҰ-дағы төрағалығы: қатерлер мен мүмкіндіктер" атты халықаралық конференция өтеді
Астана. 26 қазан. Kazakhstan Today - Астанада 28 қазанда Вашингтондағы стратегиялық және халықаралық зерттеулер орталығы және Жаңа демократия институтымен бірлесе отырып ҚР Сыртқы істер министрлігінің ұйымдастыруымен "Қазақстанның ЕҚЫҰ-дағы төрағалығы: қатерлер мен мүмкіндіктер" атты халықаралық конференция өтеді. Бұл туралы Астанада өткен брифингте ҚР Сыртқы істер министрлігінің баспасөз хатшысы Ілияс Омаров мәлім етті, деп хабарлайды Kazakhstan Today.
"Конференцияға дипломаттар, халықаралық қатынастар саласындағы сарапшылар, мамандар және үкіметтік емес ұйым өкілдері қатысады деп күтілуде.
Қатысушыларға еліміздің ЕҚЫҰ-ға төрағалығы мәселелеріне қатысты сарапшылар пікірін білуге мүмкіндік беретін пікір алмасулар өтеді",- деді І.Омаров.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.