Астанада ҚР мен БАИ Сыртқы істер министрліктерінің арасында саяси консультациялар өтті
Астанада ҚР мен БАИ Сыртқы істер министрліктерінің арасында саяси консультациялар өтті
Астана. 13 мамыр. Kazakhstan Today - Астанада кеше Қазақстан Республикасы мен Біріккен Араб Имірліктерінің Сыртқы істер министрліктері арасында саяси консультациялар болды, деп хабарлайды Kazakhstan Today ҚР СІМ хабарламасына сілтеме жасап.
Қазақстан делегациясын Қазақстан Республикасының Сыртқы істер министрінің орынбасары Н. Ермекбаев, ал Имірліктер делегациясын Біріккен Араб Имірліктерінің сыртқы істер жөніндегі мемлекеттік министрі Ануар Мұхаммед Гаргаш басқарды.
Отырыс шеңберінде тараптар саяси, экономикалық және инвестициялық салалардағы екіжақты әріптестіктің жағдайы мен даму болашағы жайында талқылады. Сонымен қоса, Қазақстан мен Имірліктер арасындағы келісімдік-құқықтық базаның одан әрі кеңеюі, халықаралық және аймақтық ұйымдарда, атап айтқанда Біріккен Араб Имірліктерінің АӨСШК процесстерінде, Илемдік және дәстүрлі дін басшыларының сьезіне, сондай-ақ Ауғанстанда әлеуметтік-гуманитарлық жобаларды бірігіп жүзеге асыру мүмкіндіктері талқыланды.
Сол күні Қазақстан Республикасының Мемлекеттік хатшысы - сыртқы істер министрі Қанат Саудабаев Біріккен Араб Имірліктерінің Сыртқы істер жөніндегі мемлекеттік министрі Ануар Мұхаммед Гаргашпен кездесті. Тараптар мемлекеттер арасындағы екіжақты қарым-қатынастың барлық бағыттарын талқылады. Имірлік тарапы Қазақстанның сыртқы саяси бастамаларына, сонымен қоса ЕҚЫҰ шеңберіндегі ұсыныстарына толық қолдауын жеткізді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.