АСТАНА. 30-наурыз. Kazakhstan Today. Лондон-Сити лорд-мэрінің Астанаға сапары аясында Лондон экономика мектебі мен ҚР мемлекеттік қызмет істері агенттігі арасындағы түсіністік туралы меморандумға қол қойылды, деп хабарлайды Kazakhstan Today тілшісі.
Қазақстан жағынан құжатқа ҚР мемлекеттік қызмет істері агенттігі төрағасының бірінші орынбасары Ғабидулла Ибдірахимов, Ұлыбритания жағынан - Лондон экономика мектебінің Ресейдегі және Орталық Азиядағы өкілі Юрий Бикбаев қол қойды.
"Лондон экономика мектебі өзінің артықшылықтарын ежелден паш еткен, сол себепті оның тәжірибесі қазақстандық мемлекеттік қызметкерлерге пайдалы болмақ",- деді құжатқа қол қою рәсіміне қатысқан Лондон-Сити лорд-мэрі Джон Статтард.
Өз кезегінде Ғ.Ибдірахимов "ҚР мемлекеттік қызмет істері агенттігі Лондон экономика мектебімен үш жылдан бері жұмыс істеп келе жатқанын" атап өтті. Оның айтуынша, осы уақыт ішінде қазақстандық 58 мемлекеттік қызметкер Лондонда оқып қайтқан, олардың 18-і жергілікті атқарушы билік органдарының қызметкерлері.
"Біз осы мектепте Қазақстан үшін экономика магистрлері мен құқық магистрлерін дайындауды одан әрі жалғастырмақшымыз",- деді агенттік төрағасының орынбасары. Оның айтуынша, магистратурада оқу құны орта есеппен 20 мың АҚШ долларына түседі, бұл шығынның бәрін Қазақстан жағы өз мойнына алады.
Ю.Бикбаевтың журналистерге хабарлауынша, осы жылдың мамыр айында Лондон экономика мектебі ҚР мемлекеттік қызмет істері агенттігімен бірлесіп пилотты жобаны жүзеге асыра бастайды. Соның аясында Лондон экономика мектебінің өкілдері елімізге келіп, қазақстандық мемлекеттік қызметкерлерді осы жерде оқытады. Лондон экономика мектебі өкілдерінің елімізге бірінші келуі барысында орталық мекемелерден 20 адамды оқытып шығару межеленген.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Астанада Лондон экономика мектебі мен ҚР мемлекеттік қызмет істері агенттігі арасындағы түсіністік туралы меморандумға қол қойылды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.