Астанада "Нұр Отан" партиясы саяси бюросының отырысы басталды, онда мәжіліс депутаттарының тізімі жасалады
Астанада "Нұр Отан" Халықтық-демократиялық партиясы саяси бюросының отырысы басталды, онда төртінші шақырылымдағы мәжілістің билеуші партиядан жасақталатын депутаттарының тізімі жасалады.
"ҚАЗАҚСТАН БҮГІН". 24 тамыз. АСТАНА. Астанада "Нұр Отан" Халықтық-демократиялық партиясы саяси бюросының отырысы басталды, онда төртінші шақырылымдағы мәжілістің билеуші партиядан жасақталатын депутаттарының тізімі жасалады, деп хабарлайды агенттік тілшісі.
"Бүгін біз "Нұр Отан" партиясынан жасақталатын парламент депутаттарының тімізін жасау үшін жиналдық. "Сайлау туралы" конституциялық заңға сәйкес, сайлауда берілген дауыстар анықталып, Орталық сайлау комиссиясы қорытындыны жария еткеннен кейін партияның жетекші органы депутаттардың ақырғы тізімін айқындауға тиіс. Мұндай басқарушы орган - "Нұр Отан" партиясының саяси бюросы болып табылады, - деді отырысты ашқан мемлекет басшысы - "Нұр Отан" партиясының жетекшісі Нұрсұлтан Назарбаев.
Осы орайда еске сала кетсек, 18-тамызда өткен мәжіліс депутаттарының кезектен тыс сайлауында жеңіске жеткен партияның 125 мүшесінен мәжіліс құрамына 98 адам енеді. Конституцияға енгізілген түзетулерге сәйкес, дәл осынша депутат пропорцонал жүйе бойынша сайланады.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.