Астанаға осы аптада АҚШ мемлекеттік хатшысының орынбасары Уэнди Шерман келеді
"У.Шерманның сапары барысында Қазақстанның ресми тұлғаларымен екіжақты кездесулері жоспарланған, оның барысында аймақтық және ғаламдық қауіпсіздік мәселелері, энергетика мен адам құқы саласындағы ынтымақтастық жайы талқыланады", деді ол Астанада дүйсенбіде баспасөз мәслихатында.
Астана. 26-қараша. Kazakhstan Today - Астанаға аймақтық турне шеңберінде 28-29 қараша күндері АҚШ мемлекеттік хатшысының орынбасары Уэнди Шерман келеді, деп хабарлайды Kazakhstan Today агенттігінің тілшісі.
Бұл туралы Қазақстан СІМ баспасөз хатшысы Ильяс Омаров мәлім етті.
"У.Шерманның сапары барысында Қазақстанның ресми тұлғаларымен екіжақты кездесулері жоспарланған, оның барысында аймақтық және ғаламдық қауіпсіздік мәселелері, энергетика мен адам құқы саласындағы ынтымақтастық жайы талқыланады", деді ол Астанада дүйсенбіде баспасөз мәслихатында.
Сапар шеңберінде У.Шерман үкіметтік емес ұйымдардың өкілдерімен кездеседі және Л.Гумилев атындағы Еуразиялық ұлттық университетте лекция оқиды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.