АЛМАТЫ. 26-маусым. Kazakhstan Today. Илі тіркеуден өтпеген оңшыл-центристік "Атамекен" партиясы басқа саяси күштің құрамында мәжіліс сайлауына баруы мүмкін, деп хабарлайды Kazakhstan Today тілшісі.
"Біз Қазақстандағы заң шығарушы және атқарушы билік бұтақтарын қалыптастыруға атсалысамыз ба, жоқ па дегенді шешуге тиіспіз... Елімізде саяси ахуал анағұрлым өзгерген қазіргі таңда саяси бағдарламасына және рухына қарай бізге ұқсас саяси күштермен бірігу қажеттігі туындады",- делінген бүгін Алматыда өткен баспасөз мәслихатында таратылған партияның саяси кеңесі бюросының баспасөз баянында.
Партияның саяси кеңесі бюросының мүшесі- партияның тең төрағасының міндетін атқарушы Василий Резванның хабарлауынша, қазіргі жағдаймен "Атамекен" Қазақстанның төрт партиясынан бірігу жөнінде ұсыныс алған. Ол осы орайда барлық әлгіндей партияларды толық атаудан бас тартып, тек "Иділет" (жетекшісі -Мақсұт Нәрікбаев) пен "Ақ жол" партияларын (жетекшісі - Илихан Бәйменов) ғана атады.
"Саяси партиялар туралы заңға сәйкес, екі мәрте сайлауға қатыспаған партия өз іс-қызметін тоқтатуға тиіс. Сол себепті аталмыш шешімді қабылдау үшін.... саяси партия мәлімдеме жасауға тиіс",- деді В.Резван.
Еліміздегі қандайбір тіркелген партияға бірігу және мәжіліс сайлауына атсалысу мәселесі сьездің қарауына шығарылмақшы. Ал партияның сьезін қашан өткізу мәселесі саяси кеңестің 2007-жылғы 2-шілдеге межеленген отырысында шешілмек.
Осыған байланысты саяси кеңес бюросы өзінің бұрынғы жетекшісі Ержан Досмұхамедовты "партияның мүшелері бағамына бара алмай отырған ерікті эмиграциядан оралуға" шақырды. "Азамат Досмұхамедовты 2-шілдеге дейін Қазақстанға келіп өз ұстанымын жария етуге шақырамыз",- деп мәлімдеді В.Резван. "Егер ол екінші шілдеге дейін елге келмесе, онда біз "Атамекен" партиясының сьезін шақыратын боламыз", деп атап өткен В.Резван "егер ол келмесе, әріқарай партия Досмұхамедовсыз жұмысын жалғастыра береді", деп қосты.
В.Резванның айтуынша, "Атамекен" партиясына 60 мыңдай адам мүше.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
"Атамекен" партиясы басқа саяси күштің құрамында мәжіліс сайлауына баруы мүмкін
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.