АСТАНА. 10-мамыр. Kazakhstan Today. Ресей президенті Владимир Путиннің пайымдауынша, атом энергетикасы саласындағы ықпалдастық Қазақстан мен Ресей арасындағы ынтымақтастықтың келешегі бар бағытына жатады, деп хабарлайды Kazakhstan Today тілшісі.
"Атом энергиясын бейбіт мақсатта пайдалану саласындағы ынтымақтастық мәселелері бойынша уағдаластықтар біртіндеп жүзеге асырыла бастады",- деді В.Путин бүгін Қазақстан мемлекет басшысы Нұрсұлтан Назарбаевпен жүргізген келіссөздер барысында.
В.Путин Қазақстан Республикасы мен Ресей Федерациясы арасындағы уранды байыту жөніндегі халықаралық орталық құру туралы бүгін қол қойылған үкіметаралық келісімнің маңызын айрықша атап өтті. "Бұл атом энергетикасы саласында ғаламдық инфрақұрылымның негізін қалау жөніндегі біздің бастамамызды жүзеге асыруға бағышталған бірінші құжат деп санаймыз",- деді ол. "Бұл аса маңызды, экономиканың ең бір келешегі бар бағыты. Ол Қазақстанның да, Ресейдің де экономикасына пайдасын тигізеді дегенге сенімім зор",- деді РФ президенті.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Атом энергетикасы саласындағы ықпалдастық Қазақстан мен Ресей арасындағы ынтымақтастықтың келешегі бар бағыты - РФ президенті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.