АСТАНА. 14 - маусым. Kazakhstan Today. Ауғанстан Қазақстан Республикасының мұнайгаз саласын игеруге, теміржол магистральдарын салуға, кен орындарын өңдеу мен кен қазу өнеркәсібін дамытуға көмек көрсетуіне қызығушылық танытуда. Бұл туралы бүгін парламент сенатының спикері Қасым-Жомарт Тоқаевпен кездесу барысында Ауғанстан Ислам Республикасының бірінші вице-президенті Ахмад Зия Масуд мәлім етті.
Kazakhstan Today агенттігінің тілшісіне сенаттың баспасөз қызметінен хабарлағандай, кездесу барысында екі жақ өзара қызығушылық танытатын халықаралық мәселелердің кең ауқымы бойынша пікір алмасты.
Қасым-Жомарт Тоқаев Қазақстанның "Ауғанстанмен жан-жақты ынтымақтастығын барынша дамытуға" дайын екендігін атап өтті. "Қазақстанның аймақтағы тиімді географиялық және геосаяси жағдайы сауда-экономикалық, энергетикалық, транспорттық мәселелерін шешуде табысты өзара ықпалдасуға мүмкіндік береді, ал ынтымақтастықтың жаңа пішімі тауарлардың, қызмет көрсетулер мен капиталдар еркін алмасылатын ортақ нарықтың принциптерін дамытуды меңзейді",- деп санайды сенат басшысы.
Оның пайымдауынша, инвестициялық жобаларды жүзеге асыру, қазақстандық мамандардың институциялық және инфрақұрылымдық бағдарламаларға, сондай-ақ достастық елдер экономикасының құрылымдық өзгеруіне қатысуы преспективті бағыт болып табылады.
Ауғанстанның бірінші вице-президенті өз кезегінде, "Қазақстанның таң қаларлық экономикалық жетістіктері, оның демократиялық өзгертулер жолында басқан нық қадамы тек өз еліне ғана емес, әлемнің басқа да мемлекеттеріне үлгі болып табылады", деп мәлім етті. "Ауғанстан қазақ елінің мұнайгаз саласын игеруге, теміржол магистральдарын салуға, кен орындарын өңдеу мен кен қазу өнеркәсібін дамытуға көмек көрсеттіндігіне үміттенеді",- деп қосты ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Ауғанстан Қазақстан Республикасының мұнайгаз саласын игеруге көмек көрсетуіне қызығушылық танытуда
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.