АСТАНА. 25-қыркүйек. Kazakhstan Today. Ауғанстанда сапармен жүрген еліміздің өкілдері Ауғанстанды қалпына келтіруге Қазақстанның қатысу мүмкіндіктерін қарастырады, деп хабарлайдлы Kazakhstan Today тілшісі.
Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today тілшісі.
"Осы күндері ҚР сыртқы істер министрінің орынбасары Қайрат Ибдірахмановтың басшылығымен еліміздің бірқатар министрліктері мен ұлттық компанияларының өкілдерінен құралған делегация Ауғанстанда жұмыс сапарымен жүр",- деді Е.Ашықбаев.
Сапардың мақсаты - сауда-экономикалық және инвестициялық ынтымақтастықты нығайтудың негізгі бағыттарын талқылау, сондай-ақ коалициялық күштердің біріккен қолбасшылығы құрамында Ауғанстанды қалпына келтіру жобаларына Қазақстанның қатысу мүмкіндіктерін қарастыру.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Ауғанстанда сапармен жүрген еліміздің өкілдері елді қалпына келтіруге Қазақстанның қатысу мүмкіндіктерін қарастырады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.