АСТАНА. 28-қараша. Kazakhstan Today. Үкімет басшысы Даниал Ахметовтың пайымдауынша, "ауылшаруашылығы министрлігі мен еңбек және халықты әлеуметтік қорғау министрліктері еліміздің Дүниежүзілік сауда ұйымына мүшелікке өту мәселесі бойынша келіссөздердегі ұстанымын қорғап бағуға тиіс". Бұл туралы ол бүгін үкімет отырсында мәлімдеді , деп хабарлайды Kazakhstan Today тілшісі.
"Қызмет көрсету нарығына шығу мүмкіндігіне келсек, біз үшін айрықша әлеуметтік маңызды мәселе - жеке тұлғалардың Қазақстан аумағына келу және осында уақытша болу мәселесі болмақ. Оларға қатысты шешім әзірге табылған жоқ",- деді Д.Ахметов. "Көші-қон саясаты біз қазір жүргізіп жатқан келіссөздер процессі аясында жүзеге асырылуға тиіс", деді ол.
Үкімет басшысының айтуынша, келіссөздер барысында еліміздің ауылшаруашылығы министрлігі "сары қоржынның" (ұйымға мүше елдер тарапынан салаға субсидия бөлу арқылы мемлекет тарапынан қолдау көрсетуге келісім толық берілмей отырған шарттар) көлемін анықтауда қиындықтарға душар болуда. "Ауылшаруашылығы министрлігі 1996-1998-жылғы базалық кезеңнің көрсеткіштерін сақтап қалу үшін дәлелдер келтіруі қажет. Бұл бізге болашақта мемлекет тарапынан тиімді қолдау көрсетуге мүмкіндік береді",- деді ол.
Бұған қоса үкімет басшысы ағымдағы жылдың бірінші тоқсанында Австралия мен Канада елдерімен белсенді келіссөздер жүргізу қажет деп пайымдайды. Осы елдермен мәмілеге келу Қазақстанның ауылшаруашылығына субсидия бөлу тұрғысында өз мүддесін қорғап қалу міндетін тұжырымдамалық жағынан шешуге жол ашады, деді үкімет басшысы.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Ауылшаруашылығы министрлігі мен еңбек және халықты әлеуметтік қорғау министрліктері еліміздің Дүниежүзілік сауда ұйымына мүшелікке өту мәселесі бойынша келіссөздердегі ұстанымын қорғап бағуға тиіс - үкімет басшысы
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.