АСТАНА. 9-сәуір. Kazakhstan Today. 11-12 сәуір аралығында Индонезияның Бали аралында Азия ынтымақтастық диалогына мүше елдердің энергетика саласындағы үйлестіруші және қосымша үйлестіруші мемлекеттерінің кездесуі жоспарлануда. Аталған іс-шарада Азия ынтымақтастық диалогының энергетика жөніндегі іс-қимыл жоспарының жобасы мен 1-ші Азия ынтымақтастық диалогының бірлескен декларациясын талқылау көзделуде. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today тілшісі.
Шараға ҚР энергетика және минералды ресурстар министрлігінің газ өнеркәсібі департаментінің директоры Анарбек Толымбаев қатысады деп жоспарлануда.
Сондай-ақ, Е.Ашықбаевтың хабарлауынша, 14-16 сәуір аралығында Сауд Арабиясы Корольдігінің Жидда қаласында Ислам Конференциясы Ұйымының жоғары лауазымды тұлғаларының мәжілісін өткізу жоспарлануда. Елшінің хабарлауынша, аталған мәжілісте Ислам Конференциясы Ұйымына мүше елдердің сыртқы істер министрлері кеңесінің кезекті 34-ші отырысында қарастырылатын мәселелер талқыланады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Азия ынтымақтастық диалогының энергетика жөніндегі іс-қимыл жоспарының жобасы Балиде өтетін ұйым үйлестірушілерінің кеңесінде қаралады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.