Азиядағы өзара ықпалдастық және сенім шаралары жөніндегі кеңес ұйымының ІІ саммитінде қабылданған құжаттар құрлықтағы халықаралық қарым-қатынастардың жаңаша кезеңі басталғанын айғақтайды
АЛМАТЫ. 17-маусым. Kazakhstan Today. “Азиядағы өзара ықпалдастық және сенім шаралары жөніндегі кеңес ұйымының хатшылығы туралы келісім мен ІІ саммит декларациясы кеңестің өз дамуында ғана емес, Азия құрылығындағы халықаралық қарым-қатынастардың дамуында жаңаша кезең басталғанын айғықтайды”. Бұл туралы бүгін Елбасы Нұрсұлтан Назарбаев Азиядағы өзара ықпалдастық және сенім шаралары жөніндегі кеңес ұйымының ІІ саммитінің жабылуында мәлімдеді, деп хабарлайды Kazakhstan Today тілшісі.
“Біздің форумның жұмысы кеңеске қатысушылардың кейінгі төрт жылдағы күш-жігері біз қалаған нәтижеге жеткізгенін көрсетеді”,- деді Н.Назарбаев.
“Бүгін Алматыда жиналған баршымыздың мақсатымыз бір. Ол – Азияда тұрақтылық пен қауіпсіздікке қол жеткізу. Бүгін осы бағытта аса маңызды тағы бір қадам жасалды. Бұл мақсатқа жететін жол бұралаң әрі шалғай. Бірақ біз оны бірлесе жүріп өтуге келістік. Бұл шешім біздің елдеріміз бен халықтарымыздың қауіпсіздігі мен игілігі, баянды бейбітшілік үшін жасалатын қадамдардың ақырғы нәтижесіне басты кепілдік болмақ”,- деді Н.Назарбаев.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.