Азиядағы өзара ықпалдастық және сенім шаралары жөніндегі кеңестің штаб-пәтері Алматыдан Астанаға көшіріледі
Азиядағы өзара ықпалдастық және сенім шаралары жөніндегі кеңестің штаб-пәтері Алматыдан Астанаға көшіріледі
Астана. 18 тамыз. "Қазақстан Бүгін" - Азиядағы өзара ықпалдастық және сенім шаралары жөніндегі кеңестің штаб-пәтері Алматыдан Астанаға көшіріледі. Осы жөніндегі хаттамаға 25 тамызда Алматыда өтетін Азиядағы өзара ықпалдастық және сенім шаралары жөніндегі кеңестің 3-ші министрлер кездесуінде қол қойылады. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Қазақстан Бүгін тілшісі.
Оның хабарлауынша, Азиядағы өзара ықпалдастық және сенім шаралары жөніндегі кеңеске мүше-мемлекеттер 2006 жылғы 17 маусымдағы Азиядағы өзара ықпалдастық және сенім шаралары жөніндегі кеңестің хатшылығы туралы келісімге толықтыру енгізу туралы хаттамаға қол қоймақ. Аталған құжаттың мазмұны хатшылықтың Қазақстанда тіркелген дипломатиялық миссиялар және халықаралық ұйымдармен жұмыс атқаруға қолайлы болуын қамтамасыз ету мақсатында Азия кеңесі штаб-пәтерін Алматыдан Астанаға көшірілуіне арналған.
Күн тәртібіне сәйкес, министрлер кездесуінің барысында Азиядағы өзара ықпалдастық және сенім шаралары жөніндегі кеңестің хатшылығы және оның дербес құқықтық қабілеттілігі, артықшылықтары мен иммунитеттері туралы конвенция, сонымен бірге "Азиядағы өзара ықпалдастық және сенім шаралары жөніндегі кеңестің сенім шараларын іске асыруындағы ілгерілемесі" атты декларация және кездесудің шешімдері деген қорытынды құжаттар қабылданады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.