Бакиев отставкаға кетті - ақпарат көзі
Бакиев отставкаға кетті - ақпарат көзі
Бішкек. 16 сәуір. Kazakhstan Today - Қырғызстан президенті Құрманбек Бакиев кеше отставкаға кететіндігі туралы мәлімдеме жасады, деп хабарлайды Kazakhstan Today Қырғызстанның уақытша үкіметі аппаратындағы ақпарат көзіне сілтеме жасап.
Ақпарат көзінің хабарлауынша, президенттік өкілеттіліктен бас тарту туралы шешім "қалыптасқан ахуалдан шығудың компромисс жолын таңдауға жатады".
"Отставкаға кеткені үшін Қ. Бакиевке Қырғызстанды тастап шығуға мүмкіндік берілді", - деп хабарлайды ақпарат көзі.
Ақпарат көзінің хабарлауынша, уақытша үкіметтегілер "бұл халық арасында наразылықтың жаңаша толқынын туындату мүмкіндігін жоққа шығармайды, өйткені, қаза тапқандар мен зардап шеккендердің туыстары Бакиевті өз беттерімен соттауға мүмкіндік беруді талап еткен. Оның отставкаға кеткені мен елден шыққаны туралы ақпарат жаңа толқуларға түрткі болуы ықтимал", - деп уақытша үкіметтегілер қауіптенеді.
ИТАР-ТАСС ақпаратына сәйкес, Қ. Бакиев Қырғызстан президенті өкілеттілігінен бас тартты. Бұл туралы ИТАР-ТАСС агенттігіне кеше республиканың уақытша үкіметіндегі жоғары лауазымды ақпарат көзі хабарлаған. "Бакиев өзінің мемлекет басшысы өкілеттілігінен бас тартатыны туралы ресми мәлімдеме жасады", - деді ақпарат көзі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.