БІШКЕК. 15-ақпан. Kazakhstan Today. Қырғызстан президенті Құрманбек Бакиев тандем бойынша Куловпен жасасқан уағдаластықтарынан ауытқыған емес. Бүгін Қырғызстан президентінің баспасөз хатшысы Нұрлан Шакиев Ф.Куловтың кешегі сөзіне қатысты осындай мәлімдеме жасады, деп хабарлайды Kazakhstan Today тілшісі.
"Ел жұртшылығы республика президентінің тандем шарттарын ақырына дейін қатаң ұстанғанын жақсы біледі. Алайда, Феликс Куловты үкімет басшысы қызметінен кетуге президентпен емес, парламентпен арадағы келіспеушілік мәжбүрледі", деп мәлімдеді Н.Шакиев.
Президенеттің баспасөз хатшысы Қырғызстан үкіметінің бұрынғы құрамы өз еркімен отставкаға кеткенін, президенттің Феликс Куловтың кандидатурасын үкімет басшысы қызметіне екі мәрте ұсынғанын еске сала кетті. "Парламенттегі дауыс беру қорытындысы қалыптасқан ахуалда Жогорку кенештің Куловтың кандидатурасын қолдауға дайын емес екенін көрсетті", деді баспасөз хатшысы.
Оның айтуынша, "мемлекет басшысы бір адамның мүддесі үшін елдің жоғары заң шығарушы органын тарата алған жоқ". Н.Шакиевтің пікірінше, парламетті тарату "елдегі онсыз да оңып тұрмаған күрделі ахуалды" тіптен ушықтырып жіберер еді.
Н.Шакиевтің айтуынша, бұрынғы үкімет басшысының 14-ақпанда жасаған мәлімдемесі "ел жұртшылығы үшін күтпеген оқиға болған жоқ", мәлімдеменің "мазмұны осы тұрпаттас болатынын" бәрі күткен. "Феликс Куловтың мәлімдемесі қалыптасқан ахуалды оның осылайша түсінгенін көрсетеді және бұл оның құқығы".
"Осыған байланысты Қырғызстан президенті Құрманбек Бакиев тандем бойынша Куловпен жасасқан уағдаластықтарынан ауытқыған емес дененді атап көрсету қажет деп санаймыз",- деді баспасөз хатшысы.
Бұдан бұрын да хабарлағанымыздай, кеше Қырғызстанның бұрынғы үкімет басшысы Ф.Кулов өзінің оппозицияға кететінін мәлімдеді. "Мен өзіміз қарсы тұрмаған жағдайда елімізді апатқа алып келетін нақты қауіп-қатерлермен күресуге мәжбүрмін және күресуге міндеттімін", - деп түсіндірді өз шешімін Ф. Кулов.
Қ.Бакиев пен Ф.Кулов 2005-жылдың мамыр айында өзара одақ құру туралы меморандумға қол қойған. Бұл құжаттың шарттарына сәйкес, Қ.Бакиев президент болып сайланған жағдайда Ф.Кулов үкімет басшысы болып бекітілуге тиіс болған.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Бакиев тандем бойынша Куловпен жасасқан уағдаластықтарынан ауытқыған емес - Қырғызстан президентінің баспасөз қызметі
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.