Бакуде Изербайжан мен Түрікменстанның Каспий мәртебесі жөніндегі кезекті келіссөздері басталды
Бакуде Изербайжан мен Түрікменстанның Каспий мәртебесі жөніндегі кезекті келіссөздері басталды
Баку. 6 ақпан. "Қазақстан Бүгін" - Бүгін Бакуде Изербайжан мен Түрікменстанның жұмыс топтары Каспий теңізіндегі орта сызықты анықтау мәселесі жөнінде кезекті келіссөздерді бастады. Бұл туралы бүгін агенттік тілшісіне Изербайжан республикасының сыртқы істер министрлігі хабарлады.
Сыртқы саясат ведомствосының ақпараты бойынша, Түрікменстан делегациясын Түрікменстанның сыртқы істер министрінің орынбасары Хошгелды Бабаев бастаса, Изербайжан тобына сыртқы істер министрінің орынбасары Халаф Халафов жетекшілік жасауда.
Жұмыс тобының отырысы жабық есік артында өтіп, 10 ақпанға дейін жалғасады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.